უკრაინის საგარეო საქმეთა მინისტრი დმიტრო კულება სოციალურ ქსელში მსოფლიო ტურიზმის ორგანიზაციის ხელმძღვანელ ზურაბ პოლოლიკაშვილს მადლობას უხდის.
„მადლიერი ვარ თქვენი პრინციპული მიდგომისთვის, რამაც შესაძლებელი გახადა ეს გადაწყვეტილება“, – წერს კულება.
გაერო-ს ტურიზმის ორგანიზაციის ხელმძღვანელმა, ზურაბ პოლოლიკაშვილმა დღეს აღნიშნა, რომ რუსეთმა გაერო-ს ტურიზმის ორგანიზაციიდან გასვლის შესახებ განაცხადა.
„ჩვენი პოზიცია ნათელია: ტურიზმის ხელშეწყობა მშვიდობისთვის და ადამიანის უფლებების საყოველთაო პატივისცემაა. მხოლოდ წევრები, რომლებიც იცავენ ამას, შეიძლება იყვნენ გაერო-ს ტურიზმის ორგანიზაციის ნაწილი“, – განაცხადა პოლოლიკაშვილმა.
