ევროპარლამენტარმა ანდრიუს კუბილიუსმა „TV ფორმულასთან“ – თან ინტერვიუში განაცხადა, რომ „ქართული ოცნების“ და „ერთიანი ნაციონალური მოძრაობის“ რეალური ლიდერები ბიძინა ივანიშვილი და მიხეილ სააკაშვილი არიან.
კუბილიუსის თქმით, უკეთესი იქნება კრისტიან დანიელსონი მათ ელაპარაკოს და არა ამ პარტიების “ფორმალურ ლიდერებს”.
„ევროკავშირს, ევროკავშირის ხელმძღვანელობას არ შეუძლია მოაგვაროს ლიდერობის კრიზისი საქართველოში, ეს დამოკიდიბულია მხოლოდ ქართულ პოლიტიკურ პარტიებზე, რეალურ ლიდერებზე, რომლებიც სცენის უკან არიან და რომლებიც ზეგავლენას ახდენენ მთლიანად მოლაპარაკების პროცესზე და დისკუსიებზე თუ როგორ მოგვარდეს კრიზისი. თუმცა, ისინი არ მონაწილეობენ მოლაპარაკებებში და არ იღებენ პასუხისმგებლობას მოლაპარაკებების შედეგებზე, ეს არის პრობლემა“, – განაცხადა კუბულიუსმა.
