ევროპული საბჭოს პრეზიდენტის შარლ მიშელის სპეციალური წარმომადგენელი კრისტიან დანიელსონი “ქართული ოცნების” თავმჯდომარეს ირაკლი კობახიძეს ხვდება. შეხვედრა ევროკავშირის წარმომადგენლობის ოფისში მიმდინარეობს.
ამასთან, არსებული ინფორმაციით, 15:00 საათზე დაგეგმილია კრისტიან დანიელსონის შეხვედრა ოპოზიციისა და მმართველი გუნდის ლიდერებთან.
ცნობისთვის, კრისტიან დანიელსონი საქართველოში 12 მარტს ჩამოვიდა. მას შემდეგ ცალკ-ცალკე გამართა შეხვედრები ოპოზიციისა და მმართველი გუნდის ლიდერებთან. გუშინ კი მისი მედიაციით “ქართული ოცნების” ლიდერებისა და ოპოზიციის წარმომადგენლების პირველი ერთობლივი შეხვედრა გაიმართა.