,,კრიმინალის ზრდას შს მინისტრი ღიმილისმომგვრელს უწოდებს და ეს ღიმილი შეაშრება მას სახეზე”

region
ავტ.: region ივნისი 11, 2019 14:14

,,კრიმინალის ზრდას შს მინისტრი ღიმილისმომგვრელს უწოდებს და ეს ღიმილი შეაშრება მას სახეზე”

კრიმინალის ზრდას შს მინისტრი ღიმილისმომგვრელს უწოდებს და ეს ღიმილი შეაშრება მას სახეზე, – განაცხადა „ევროპული საქართველოს“ დეპუტატმა გიგა ბოკერიამ პარლამენტის პლენარულ სხდომაზე.

„კრიმინალის ზრდა და უბედურება ფეხებზე გკიდიათ და მერე სადღეგრძელოებს გვეტყვით აქ. თქვენს შინაგან საქმეთა მინისტრს, რომელიც ღიმილისმომგვრელს უწოდებს ამ ყველაფერს, კადრებს ეთერში, შეაშრება სახეზე ეს ღიმილი პოლიტიკურად. ის გარწმუნებთ, რა ვქნათ, კრიმინალი იზრდება, საზოგადოება არ თანამშრომლობს ჩვენთანო. ეს ხალხი, კრიმინალური სამყაროს წევრები ვიხილეთ საარჩევნო უბანზე, როგორ ემუქრებოდნენ ახალგაზრდა გოგოებს, შუაზე გაგჭრითო, უბინძურეს შეურაცხყოფას აყენებდნენ. ეს ყველაფერი გადაღებულია, ფიზიკურადაც ეხებოდნენ. მოვისმინე თქვენი ყველა თავმომწონე, ტრიპაჩული განცხადება, როგორ მოიგეთ. შევეჩვიეთ მოგებასო, ღიმილით თქვა პარლამენტის სანდომიანმა თავმჯდომარემ. ერთი დაგმობა არ მომისმენია თქვენი, ზრდილობისთვის რომ გეთქვათ, ვგმობთ, ახალგაზრდა გოგოს შუაზე გაჭრით რომ ემუქრებიან და უბინძურესად აგინებენ, ეს ჩვენთვის მიუღებელიაო. ამასაც კი ვერ იძახით გარკვევით, იმდენად ხართ დამოკიდებული და იმდენად გაქვთ პოლიტიკური ზნეობა დაკარგული“, – განაცხადა გიგა ბოკერიამ.

region
ავტ.: region ივნისი 11, 2019 14:14

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,001
ვიზიტორი
დღეში
Powered By Google Analytics