კრიმინოგენული ვითარების გაუარესებაზე საუბრობენ ოპოზიციაში. საპარლამენტო უმცირესობის წევრების შეფასებით, კრიმინალმა საგანგაშო მასშტაბი მიიღო.
„ის, რაც ადრე ეგზოტიკურ იშვიათობად ითვლებოდა, გახდა ყოველდღიური რუტინა, საზოგადოება მიეჩვია ყოველდღე იმის მოსმენას, რომელი ბანკი დააყაჩაღეს, რომელი მაღაზია გაძარცვეს, ვის გაეკიდნენ სროლა-სროლით, ვინ ჩაცხრილეს. კრიმინალის ზრდამ საგანგაშო მასშტაბი მიიღო,“ – განაცხადა ფრაქციის ევროპული საქართველო – უკეთესი მომავლისთვის წევრმა, ოთარ კახიძემ.
