კრემლში არ გამორიცხავენ, რომ რუსეთის პრეზიდენტი ვლადიმერ პუტინი და აშშ-ის პრეზიდენტი დონალდ ტრამპი ერთმანეთს მოლაპარაკებებისთვის თებერვლის ბოლოს შეხვდნენ. აღნიშნულის შესახებ კრემლის პრესსპიკერმა, დიმიტრი პესკოვმა ჟურნალისტებს განუცხადა.
„დასავლური მედიები ძალიან ბევრს წერენ, ასევე ბევრს წერენ ჩვენი მედიები. შეიძლება, ასე იყოს ან შეძლება არ იყოს“, – განაცხადა პესკოვმა ჟურნალისტის კითხვაზე საპასუხოდ.
ამასთან, როგორც პესკოვმა აღნიშნა, ვლადიმერ პუტინსა და დონალდ ტრამპს შორის შეხვედრისთვის საგარეო საქმეთა სამინისტროს მხრიდან გარკვეული მომზადება იქნება საჭირო.
მანამდე, შეერთებული შტატების პრეზიდენტმა, დონალდ ტრამპმა განაცხადა, რომ ის რუსეთის პრეზიდენტ, ვლადიმერ პუტინს, შესაძლოა „ძალიან მალე“ შეხვდეს.
