კრემლი ოფიციალურად არ ფლობს ინფორმაციას აშშ-ს მხრიდან მოსკოვის წინააღმდეგ ახალი სანქციების დანიშვნის შესახებ – ამის შესახებ რუსეთის პრეზიდენტის პრეს-მდივანმა დიმიტრი პესკოვმა დღეს განაცხადა. “არ ვიცი რაზეა საუბარი – ჩვენ არ ვიცით რაზე მიდის ლაპარაკი, შესაბამისად, რთულია, რეაქციაზე ვისაუბრო. დიახ, გაეროში აშშ-ს მუდმივმა წარმომადგენელმა გააკეთა განცხადება, მაგრამ ჩვენ ჯერ არ მოგვისმენია განცხადება თვითონ პრეზიდენტის მხრიდან, არ ვიცით, ეს ტექსტი არსებობს თუ არა” – განაცხადა პესკოვმა ჟურნალისტის შეკითხვაზე, თუ რა იქნება მოსკოვის საპასუხო ნაბიჯი აშშ-ს ახალ სანქციებზე.