კრამონი: აგვისტოს ომს წინ უძღოდა რუსეთის ათწლეულების განმავლობაში განხორციელებული აგრესია

ევროპარლამენტარი ვიოლა ფონ კრამონი 2008 წლის აგვისტოს ომს ეხმაურება და ამბობს, რომ ევროკავშირი საქართველოს სუვერენიტეტსა და ტერიტორიულ მთლიანობას მხარს უჭერს.

როგორც კრამონი Twitter-ზე წერს, რუსული ინტერვენციიდან 12 წელი გავიდა, თუმცა ომი 2008 წელს არ დაწყებულა. მისივე თქმით, რუსეთი ცეცხლის შეწყვეტის შესახებ შეთანხმებას არ ასრულებს, რის გამოც ქვეყანამ პასუხი უნდა აგოს.

“12 წელი გავიდა საქართველოში რუსეთის შეჭრიდან და ანექსიიდან, თუმცა ომი 2008 წელს არ დაწყებულა და არც დასრულებულა. 2008 წლის მოვლენებს ათწლეულების განმავლობაში წინ უძღოდა რუსული აგრესია და ის მცოცავი ოკუპაციითა და საქართველოს მოქალაქეების გატაცებით გაგრძელდა.

რუსეთს ამ დრომდე არ შეუსრულებია ცეცხლის შეწყვეტის შესახებ შეთანხმება, რის გამოც მან პასუხი უნდა აგოს. რუსეთმა ანალოგიური აგრესული ტაქტიკა გამოიყენა უკრაინის წინააღმდეგაც.

როგორც ოკუპირებული ტერიტორიების “აღიარების პოლიტიკის” მარცხი აჩვენებს, საქართველო არ არის მარტო რუსული აგრესიის წინაშე და მას მხარს უჭერენ ძლიერი და ერთგული მეგობრები. ევროკავშირი მხარს საქართველოს სუვერენიტეტს, ტერიტორიულ მთლიანობასა და მის ევროპულ მომავალს”, – წერს ვიოლა ფონ კრამონი.

2008 წლის რუსეთ-საქართველოს ომიდან 12 წელი გავიდა. რუსული საოკუპაციო ძალების ინტერვენციების შედეგად, დაიღუპა საქართველოს 224 სამოქალაქო პირი, თავდაცვის სამინისტროს 170 მოსამსახურე და შინაგან საქმეთა სამინისტროს 14 თანამშრომელი. 150 ათას ადამიანს საკუთარი საცხოვრებლის დატოვება მოუწია. მათგან ბევრი დღესაც დევნილია.

banner
წინა სტატიაშისოფო გუგეშაშვილი – მაჟიეთის და ხიეშლებისკენ მიმავალი გზა ხსნილია, ასე მყისიერად არცერთ ხელისუფლებას არ მოუგვარებია ადგილობრივი მოსახლეობის პრობლემები
შემდეგი სტატიანინო ბურჯანაძე: 12 წლის შემდეგ იმაზე უარეს დღეში ვართ, ვიდრე 2008 წლის აგვისტომდე ვიყავით,