კრამერი – საკითხი ეხება საქართველოს ნატო-ში გაწევრიანების გზების ძიებას, რაც არც ერთ შემთხვევაში არ ნიშნავს სამხრეთ ოსეთისა და აფხაზეთის აღიარებაზე მითითებას

region
ავტ.: region სექტემბერი 10, 2019 17:05

კრამერი – საკითხი ეხება საქართველოს ნატო-ში გაწევრიანების გზების ძიებას, რაც არც ერთ შემთხვევაში არ ნიშნავს სამხრეთ ოსეთისა და აფხაზეთის აღიარებაზე მითითებას

ამოცანა არის იმ დაბრკოლებების განეიტრალება, რომელიც ნატო-ში საქართველოს წევრობას თან ახლავს, – ამის შესახებ აშშ-ის სახელმწიფო მდივნის ყოფილმა თანაშემწემ, დევიდ კრამერმა საქართველოს პირველ არხთან საუბარში განაცხადა.

კრამერის თქმით, მთავარი მიზანი არის ნატო-ს მოკავშირეების დარწმუნება, რომლებიც შესაძლოა, ღელავდნენ ოკუპირებულ ტერიტორიებთან დაკაშირებული პრობლემების გამო საქართველოს გაწევრიანებაზე.

„საკითხი ეხება გზების ძიებას, თუ როგორ გაწევრიანდეს საქართველო ნატო-ში, ოკუპირებული ტერიტორიებიდან მომავალი რისკების ტარების გარეშე. არის ამის პრეცედენტები: კვიპროსი, დასავლეთ და აღმოსავლეთ გერმანია. იდეა იქნება იმის უზრუნველყოფა, რომ საქართველომ მიიღოს დაცვა, მაგრამ ასევე აღსანიშნავია სადავო ტერიტორიებთან დაკავშირებულ საკითხებთან გამკლავება, რომლებიც რა თქმა უნდა, არის საქართველოს ტერიტორიები, რომელთა ოკუპაციასაც ახლა რუსეთი ახდენს. ამოცანა არის იმ დაბრკოლებების განეიტრალება, რომელიც ნატო-ში საქართველოს წევრობას ახლავს თან. მიზანი არის ნატო-ს მოკავშირეების დარწმუნება, რომლებიც შესაძლოა, ღელავდნენ ოკუპირებულ ტერიტორიებთან დაკაშირებული პრობლემების გამო საქართველოს გაწევრიანებაზე. ეს არც ერთ შემთხვევაში არ ნიშნავს სამხრეთ ოსეთისა და აფხაზეთის აღიარებაზე მითითებას“, – განაცხადა დევიდ კრამერმა.

ეკონომიკური პოლიტიკის კვლევის ცენტრისა და მაკკეინის ინსტიტუტის მიერ ორგანიზებულ, რიგით მეხუთე საერთაშორისო კონფერენციაზე, რომელიც თბილისში მიმდინარეობს, ნატო-ს ყოფილმა გენერალურმა, მდივანმა ანდრეს ფოგ რასმუსენმა განაცხადა, რომ უნდა განიხილებოდეს საქართველოს შიგნით, მოისურვებს, თუ არა ისეთი მექანიზმის მიღებას, რომლის მიხედვითაც ნატო-ს წესდების მეხუთე მუხლი დაფარავს მხოლოდ იმ ტერიტორიას, რომელიც კონტროლირებადია საქართველოს მთავრობის მიერ. ასევე იგივე კითხვას უნდა უპასუხონ ნატოშიც. ამასთან, მისი თქმით, პირველი ნაბიჯი ამ საკითხზე მსჯელობისთვის საქართველოში უნდა გადაიდგას და შემდეგ უნდა წავიდეს ნატო-ში. „ჩვენ პროცესი უნდა დავიწყოთ და თუ ქართველები გადაწყვეტენ, რომ მეხუთე მუხლი ოკუპირებულ ტერიტორიებზე არ გავრცელდეს, ჩვენ შეგვიძლია ამის მიღება, რომ აღნიშნული მუხლი, მხოლოდ საქართველოს მთავრობის კონტროლირებულ ტერიტორიაზე გავრცელდეს. ამის შემდეგ ჩვენ შეგვიძლია პროცესის დაწყება“, – განაცხადა ანდერს ფოგ რასმუსენმა.

region
ავტ.: region სექტემბერი 10, 2019 17:05

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


18,315
ვიზიტორი
დღეში
Powered By Google Analytics