რუსმა ოკუპანტებმა დონეცკის ოლქის ქალაქ კრამატორსკზე სარაკეტო იერიში მიიტანეს.
ოლქის სამხედრო ადმინისტრაციის ხელმძღვანელის, პავლო კირილენკოს ინფორმაციით, თავდასხმის შედეგად დაშავდა სულ მცირე 25 ადამიანი, მათგან 6 საავადმყოფოშია გადაყვანილი.
მისივე თქმით, რაკეტებმა დააზიანა 9 სახლი, სკოლა და სამოქალაქო ინფრასტრუქტურა.
“რუსებს არ შეუძლიათ უკრაინის არმიასთან ბრძოლა, ამიტომ აგრძელებენ “ბრძოლას” მშვიდობიანი მოქალაქეებთან. ეს არის რუსული არმიის მორიგი სამხედრო დანაშაულის ჩვენს მიწაზე. ყველაფერს ვაფიქსირებთ, სასჯელს ვერავინ გადაურჩება”, – წერს კირილენკო Telegram-ში.
