დონეცკის ოლქის ტერიტორიაზე, კრამატორსკში განხორციელებული სარაკეტო შეტევის დროს დაღუპულთა რაოდენობა 9-მდე გაიზარდა. ცნობილი ხდება გარდაცვლილთა ნაწილის ვინაობა. როგორც ადგილობრივი ხელისუფლების მიერ გავრცელებულ ინფორმაციაშია აღნიშნული, დაღუპულთა შორის არიან 14 წლის ტყუპი დები, იულია და ანა აკსენჩენკოები.
„რუსულმა რაკეტამ ორი ანგელოზის გულისძგერა შეაჩერა. ვიზიარებთ დაღუპულთა ოჯახების მწუხარებას“, – ნათქვამია Telegram-ზე გავრცელებულ ინფორმაციაში.
