კოსოვოს მოქალაქემ, არდიდ ფერიზმა აღიარა, რომ აშშ-ს სამხედრო მოსამსახურეების და სახელმწიფო ჩინოვნიკების მონაცემები მოიპარა იმისთვის, რომ ისინი საერთაშორისო ტერორისტული ორგანიზაცია “ისლამური სახელწმიფოსთვის” გადაეცა – ამის შესახებ მან ვირჯინიაში გამართულ სასამართლოზე განაცხადა – The Washington Post-ი წერს.
21 წლის მამაკაცის თქმით, მას ესმოდა, რომ ტერორისტები ამ მონაცემებს ხალხზე თავდასხმისთვის გამოიყენებდნენ. “არ ვიცი რატომ გავაკეთე ეს. ამ წუთამდე არ მესმის, რატომ ჩავიდინე”- განაცხადა ფერიზმა, რომელიც ინტერნეტში ცნობილია კოდით Th3Dir3ctorY.
“ისლამური სახელმწიფოსთვის” მონაცემების გადაცემის გარდა, ახალგაზრდა მამაკაცი ტერორისტების ფინანსურ მხარდაჭერაშია ბრალდებული”. მას 25 წლით თავისუფლების აღკვეთა ემუქრება. სავარაუდოდ, დამნაშავეს კოსოვოში დააბრუნებენ.
