მარტვილში, კორონავირუსი სასულიერო პირებს დაუდასტურდათ, ინფიცირებულია სამი რელიგიის მსახური, ხოლო ერთ-ერთი კლინიკაში გადაიყვანეს, რადგან მისი მდგომარეობა საყურადღებო იყო.
არსებული ინფორმაციით, ინფიცირებულთაგან ერთ-ერთი მარტვილის ღვთისმშობლის მიძინების სახელობის ტაძარის ტერიტორიაზე არსებული, მამათა მონასტრის მორჩილია.
როგორც საზოგადოებრივ ჯანდაცვის ცენტრში აცხადებენ, ყველა შესაბამისი ზომა გატარებულია და კოვიდ ინფიცირებულის კონტაქტები იზოლაციის რეჟიმში არიან.
ბოლო 24 საათში მარტვილში კორონავირუსით ინფიცირების 65 ახალი შემთხვევა გამოვლინდა.
ავტორი: აკო ქიქავა
