ჩინეთში, ახალი კორონავირუსით, ბოლო ერთი დღის განმავლობაში კიდევ 105 ადამიანი გარდაიცვალა და დაღუპულთა საერთო რაოდენობა 1,770-მდე გაიზარდა.
ჩინეთის ჯანდაცვის ეროვნული კომისიის ცნობით, ქვეყნის მასშტაბით, ვირუსით დაინფიცირების 2,048 ახალი შემთხვევა გამოვლინდა და დადასტურებული შემთხვევების რაოდენობა 70,548-ს აღწევს. დაინფიცირებული პაციენტებიდან 10,844 სათანადო მკურნალობის ჩატარების შემდეგ საავადმყოფოებიდან გაწერეს.
აღსანიშნავია, რომ ჩინეთში დაფიქსირებული შემთხვევების 94 პროცენტზე მეტი ჰუბეის პროვინციაშია გამოვლენილი.