კორონავირუსის ახალ შემთხვევათა შორის ბათუმის მე-5 საჯარო სკოლის 12 თანამშრომელია

კორონავირუსით ინფიცირების ახალ შემთხვევათა შორის ბათუმის მე-5 საჯარო სკოლის 12 თანამშრომელია. მათგან შვიდი პედაგოგი, ერთი ფსიქოლოგი და ოთხი დამლაგებელია.

სკოლის დირექციის ინფორმაციით, ინფიცირებულთაგან ერთი ექიმების დაკვირვების ქვეშ ბინაზე მკურნალობს, დანარჩენები კი კლინიკებში გადაიყვანეს.

აჭარაში რთული ეპიდსიტუაციის გამო, ყველა საჯარო სკოლაში სწავლება დისტანციურ რეჟიმში მიმდინარეობს.

საქართველოში დღეს კორონავირუსის 227 ახალი შემთხვევა გამოვლინდა, მათ შორის, 165 აჭარაში.

banner
წინა სტატიაშიმარტვილში იურიდიული დახმარების უფასო საკონსულტაციო ცენტრი გაიხსნა
შემდეგი სტატიასერგი კაპანაძე : მთავარია, როგორ დავძლიოთ ეკონომიკური კატასტროფა და არა პრემიერობის კანდიდატები ან ვინ რა თანამდებობას დაიკავებს