კორონავირუსის 57 ახალი შემთხვევიდან, 27 აჭარაში დაფიქსირდა

news
ავტ.: news სექტემბერი 10, 2020 11:04

კორონავირუსის 57 ახალი შემთხვევიდან, 27 აჭარაში დაფიქსირდა

კორონავირუსის 57 ახალი შემთხვევიდან, 27 აჭარაში გამოვლინდა. ინფორმაცია ფორმულას აჭარის ჯანდაცვის სამინისტროში დაუდასტურეს. მათივე განცხადებით, სტაციონარში მკურნალობას 122 კოვიდინფიცირებული პაციენტი გადის.

“გასული 24 საათის განმავლობაში აჭარაში დადასტურდა კორონავირუსის 27 ახალი შემთხვევა. სტაციონარში მკურნალობს 122 პაციენტი, საკარანტინო სივრცეში მეთვალყურეობას გადის 18 კოვიდ დადებითი პაციენტი”, – აცხადებს პრესსამსახური.

ქუთაისის ინფექციურ საავადმყოფოში ფორმულას განუცხადეს, რომ გასული დღე-ღამის განმავლობაში 3 პაციენტი შეიყვანეს, აქედან 2 აჭარის რეგიონიდან არის გადაყვანილი, ხოლო 1 ქუთაისში დადასტურებულ შემთხვევასთან კონტაქტია.

შეგახსენებთ, რომ დღეს საქართველოში კორონავირუსის 57 ახალი შემთხვევა დადასტურდა, 9 პაციენტი კი გამოჯანმრთელდა. სულ ქვეყანაში, დღეის მდგომარეობით ინფიცირების 1 850 შემთხვევაა გამოვლენილი, 19 პირი კი ვირუსის შედეგადაა გარდაცვლილი.

news
ავტ.: news სექტემბერი 10, 2020 11:04