კორონავირუსის 44 ახალი შემთხვევიდან 3 სამედიცინო პერსონალია

admin
ავტ.: admin სექტემბერი 9, 2020 11:25

კორონავირუსის 44 ახალი შემთხვევიდან 3 სამედიცინო პერსონალია

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 44 ახალი შემთხვევიდან 3 ინფიცირებული სამედიცინო პერსონალია.

მისივე ინფორმაციით, კოვიდცენტრებში 421 პაციენტი მკურნალობს.

„დაგვემატა 44 ახალი შემთხვევა და დღევანდელი მონაცემით 1773 გახდა. 44 ახალი დადასტურებული შემთხვევიდან 7 არის „დონასთან“ დაკავშირებული შემთხვევები, 12 ქალაქ ბათუმთან დაკავშირებული შემთხვევა, 12 დადასტურებულ შემთხვევასთან კონტაქტია, 2 ეპიდკერაში მოგზაურობის ისტორიით არის, 5 იმპორტირებულია, 3 სამედიცინო პერსონალია, სამ შემთხვევაზე გრძელდება კონტაქტების მოკვლევა წყაროს დადგენის თვალსაზრისით.

მხოლოდ 4 გამოჯანმრთელდა, ამ მონაცემებით გამოჯანმრთელებულების პროცენტული რაოდენობა არის 75. კოვიდ ცენტრებში მკურნალობს 421 პაციენტი.

ქვეყანაში კრიტიკულად მძიმე არის კორონავირუსით ინფიცირებული 3 პაციენტი, მძიმე – 17“,-განაცხადა მარინა ეზუგბაიამ.

admin
ავტ.: admin სექტემბერი 9, 2020 11:25