კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია – ბერაია

თაიმერი timer.ge
ავტ.: თაიმერი timer.ge მარტი 18, 2019 14:01

კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია – ბერაია

დამრჩა განცდა, რომ დეპუტატ ოთარ კახიძეს კომიტეტის სხდომიდან წასვლა სურდა და ასეთი კრეატიული საშუალება ამისთვის მოიფიქრა, – ამის შესახებ უმრავლესობის დეპუტატმა, ირაკლი ბერაიამ ჟურნალისტებს მასსა და ოთარ კახიძეს შორის მომხდარი დაპირისპირების შემდეგ განუცხადა.

მისი თქმით, კახიძეს, რომელიც კომიტეტის სხდომაზე მის საუბარში ჩაერთო, კორექტულობისკენ მოუწოდა, რასაც ინციდენტი მოჰყვა.

„ვსაუბრობდი, მქონდა კომენტარის გაკეთების სურვილი, შემდეგ კითხვის დასმის, რისი საშუალებაც მან არ მომცა, ჩაერთო საუბარში. მივუთითე კორექტულობისკენ, რასაც ინციდენტი მოჰყვა. თუ მისთვის კორექტულობისკენ მოწოდება არის შეგინება, ჩათვალოს, რომ შეგინებულია“, – განაცხადა ბერაიამ.

ამასთან, მისი შეფასებით, კახიძე სწორად მოიქცა, რომ ჩხუბის გამო ბოდიში მოიხადა. ბერაიამ საზოგადოებას ბოდიშის თავადაც მოუხადა.

„ოთარ კახიძე სწორად მოქცეულა, ბოდიში რომ მოიხადა. ჩვენ გვქონდა კომიტეტის სხდომა. განსახილველი საკითხი მნიშვნელოვანი და აქტუალურია. ნებისმიერი ხელისშემშლელი გარემოება საზოგადოებისთვის შეურაცხყოფის მიყენებაა. რადგან მე ამ პროცესის მონაწილე ვიყავი, რა თქმა უნდა, საზოგადოებას ვუხდი ბოდიშს“, – განაცხადა ირაკლი ბერაიამ.

თაიმერი timer.ge
ავტ.: თაიმერი timer.ge მარტი 18, 2019 14:01

Google სტატისტიკა


3,399
ვიზიტორი
დღეში
Powered By Google Analytics