საარჩევნო სისტემის შეცვლის შესახებ მომზადებული საკონსტიტუციო ცვლილებათა პროექტის ინიცირების შემდეგ საყოველთაო-სახალხო განხილვების კომისია შეიქმნება.
პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, კონსტიტუციური პროექტი 11 მარტს დარეგისტრირდება და ბიუროს წარედგინება.
დეპუტატის ცნობით, პროექტის ინიცირების შემდეგ, საყოველთაო-სახალხო განხილვების კომისია მოსახლეობას ცვლილებებს ერთი თვის განმავლობაში გააცნობს.
„განისაზღვრება ადგილები, სადაც საზოგადოების მონაწილეობით აღნიშნული ცვლილებების განიხილება. ერთთვიანი ვადის გასვლის შემდეგ პროცესი პარლამენტში დაბრუნდება და საკომიტეტო მოსმენები დაიწყება”, – განაცხადა ანრი ოხანაშვილმა.