“ნამდვილად, დიდი სიხარულის მომტანი აღმოჩნდა ფეხბურთის ეს ფინალი. “ხვიჩა” მეგრულად “ელვარეს” ნიშნავს, “ხვიჩა მურიცხი” კი ელვარე ვარსკვლავს. ხალხური ლექსის მიხედვით ვარსკვლავები ჩვენი დები და ძმები არიან. სწორედ ასეთი იყო დღევანდელი მატჩის ერთ-ერთი გმირი.
ხვიჩამ თვალსაჩინო წარმატებას მიაღწია არამარტო გამორჩეული ტალანტით, არამედ შრომით, უდიდესი ნებისყოფით და დისციპლინით. როგორც არაერთხელ, მან ითამაშა სრულიად გაწონასწორებული ფეხბურთი ინდივიდუალიზმსა და გუნდურობას შორის. ამ გამარჯვებას გილოცავთ ყველას!,-წერს კონსტანტინე გამსახურდია.
ხვიჩა კვარაცხელია „პარი სენ-ჟერმენთან“ ერთად ჩემპიონთა ლიგის გამარჯვებულია. პარიზულმა კლუბმა მილანის „ინტერი“ ანგარიშით 5:0 დაამარცხა. ხვიჩა კვარაცხელია ისტორიაში პირველი ქართველი ფეხბურთელია, რომელმაც ჩემპიონთა ლიგის ფინალში გოლი გაიტანა.
