„კონფლიქტი საქართველოში“ – ევროსაბჭოს გენერალური მდივნის მიერ ამ სახელწოდებით მომზადებული კონსოლიდირებული ანგარიში განიხილეს ევროპის საბჭოს მინისტრთა მოადგილეების კომიტეტის სხდომაზე.
ანგარიში მოიცავს პერიოდს 2015 წლის აპრილიდან სექტემბრის ჩათვლით და მასში ყურადღება გამახვილებულია საქართველოს ოკუპირებულ ტერიტორიებზე ადამიანის უფლებების კუთხით არსებულ რთულ მდგომარეობაზე.
სხდომაზე სიტყვით გამოვიდა საქართველოს საგარეო საქმეთა მინისტრის მოადგილეც. სხდომაზე ევროკავშირის სახელით გაკეთდა განცხადება, რომელშიც ევროკავშირის წევრმა სახელმწიფოებმა გამოხატეს მტკიცე მხარდაჭერა საქართველოს მიმართ და რუსეთს საერთაშორისო ვალდებულებების შესრულებისკენ კიდევ ერთხელ მოუწოდეს.
ინფორმაციას საქართველოს საგარეო საქმეთა სამინისტრო ავრცელებს.