კონკურსში – „შემოქმედებითი თბილისი“ განაცხადების მიღება გრძელდება

თბილისის მერიის მიერ გამოცხადებულ კონკურსში – „შემოქმედებითი თბილისი“ განაცხადების მიღება გრძელდება. კონკურსი მუნიციპალიტეტის მერიის 2021 წლის დამტკიცებული ბიუჯეტით გათვალისწინებული პროგრამისთვის -„შემოქმედებითი თბილისი“ გამოყოფილი ასიგნებების ფარგლებში ტარდება.

კონკურსის მიზანი დედაქალაქში შემოქმედებითი ინდუსტრიის განვითარების ხელშეწყობა, სფეროში ჩართული ხელოვანებისა და სახელოვნებო ჯგუფების შემოქმედებითი იდეების წარმოჩენა და რეალიზებაა. კონკურსის მიმართულებებია: საგამომცემლო საქმიანობა, აუდიო-ვიზუალური ხელოვნება, დიზაინი და რეწვა, ასევე, ვიზუალური ხელოვნება (ინსტალაცია, მხატვრობა, ფოტოგრაფია და სხვა).

კონკურსში მონაწილეობის მიღება შეუძლია საქართველოს ტერიტორიაზე რეგისტრირებულ იურიდიულ პირს ან საქართველოს საგადასახადო კოდექსით განსაზღვრულ მეწარმე ფიზიკურ პირს. „შემოქმედებით თბილისში“ მონაწილეობის მისაღებად, კვალიფიციური ელექტრონული ხელმოწერაა აუცილებელი.

პროექტის შესახებ დამატებითი ინფორმაციისთვის ეწვიეთ ვებგვერდს: https://culture.tbilisi.gov.ge/#/home/applications/list

საკონკურსო განაცხადების მიღების ბოლო ვადაა მიმდინარე წლის 6 ოქტომბერი.

წინა სტატიაშიჩხაიძე – სამწუხაროდ, მოსახლეობის 80%-ის აცრა წლის ბოლომდე სრული ფანტასტიკაა
შემდეგი სტატიასარჯველაძე – სააკაშვილს მტკიცებულებების მოხმობა სჭირდება მომხრეებში ავტორიტეტის მოსაპოვებლად, ეს მორიგი ავანტიურაა