კომპანიაში, სადაც გარდაცვლილი თამარ ბაჩალიაშვილი მუშაობდა, შინაგან საქმეთა სამინისტროს თანამშრომლები იმყოფებიან. თამარ ბაჩალიაშვილი კომპანია „ზეგის“ თანამშრომელი იყო.
ცოტა ხნის წინ განცხადება გააკეთა კომპანიის დირექტორმა და აღნიშნა, რომ გარდაცვლილ თამარ ბაჩალიაშვილს სამსახურში არანაირი პრობლემა არ ჰქონდა. მანამდე კი, კომპანიის დირექტორმა მიმართვაც გაავრცელა.
რამდენიმედღიანი ძებნის შემდეგ, 23 წლის თამარ ბაჩალიაშვილი თეთრიწყაროს ტყეში გარდაცვლილი იპოვეს.
თამარ ბაჩალიაშვილი შაბათს, სახლიდან საკუთარი ავტომობილით გავიდა და უკან არ დაბრუნებულა.
