კობახიძის განკარგულებით ქობულეთის სოფელ კვირიკეში მთას შლიან და წიაღისეულს ბათუმის ხელოვნური კუნძულისთვის იყენებენ.
ინფორმაციას გამოცემა ბათუმელები ავრცელებს და წერს, რომ შესაბამის განკარგულებაზე კობახიძეს ხელი 2025 წლის 6 მაისს აქვს მოწერილი.
მათივე ცნობით, ხელოვნური კუნძულის პროექტის განმახორციელებელ კომპანიას – “ამბასადორ ბათუმი აილენდ” – მთავრობამ კვირიკეში 21 ჰექტარი ტერიტორია გამოუყო და, გამოცემის ინფორმაციით, აქ კომპანიას ლიცენზიის გარეშე, ჯამში, 1,5 მილიონი კუბური მეტრი წიაღისეულის [კვირიკეს ტუფობრექჩიები და ანდეზიტო-ბაზალტები] მოპოვების უფლება მისცეს, სასარგებლო წიაღისეულის მოპოვების ლიცენზიისაგან გათავისუფლებისთვის კი „ამბასადორს“ სახელმწიფო ბიუჯეტში 365 ათას 217 ლარის გადახდა დაავალეს.
