ირაკლი კობახიძის განცხადებით, დმანისში, „ნაციონალური მოძრაობის“ მხარდამჭერების დაჭრაში ბრალდებულს მძიმე ფსიქოლოგიური პრობლემები აქვს.
“იმ ადამიანს, რომელიც ეჭვმიტანილია ამ კონკრეტულ ქმედებაში, აქვს მძიმე ფსიქოლოგიური პრობლემები, როგორც ჩვენ ვიცით. თუ ეს გამოიკვეთა და თუ ასეთი ადამიანის მიმართ პროვოკაცია მიზანმიმართულად განხორციელდა, ეს ცოტა ამძიმებს „ნაციონალური მოძრაობის“ პასუხისმგებლობას. ამ ქმედებაზე პასუხისმგებლობა, რა თქმა უნდა, ეკისრება იმ პირს, ვინც ეს ჩაიდინა, ზომები არის კიდეც მიღებული – პირი არის დაკავებული. დანარჩენს დაადგენს გამოძიება“,- ამბობს კობახიძე