კობახიძე: როდესაც ქვეყანაში არის 2 მთავარი პოლიტიკური ძალა და ერთ-ერთი დამნაშავე ძალაა

როდესაც ქვეყანაში არის 2 მთავარი პოლიტიკური ძალა და ერთ-ერთი დამნაშავე ძალაა, რომელსაც უამრავი დანაშაული აქვს ჩადენილი, პოლარიზაცია ყოველთვის იქნება, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ „ქრონიკაში“ განაცხადა.

მისივე თქმით, აქედან ერთადერთი თეორიული გამოსავალი ისაა, რომ მათ აღიარონ, ბოდიში მოიხადონ და წავიდნენ.

„ამის არავის გვჯერა. მათ რომ ჰქონდეთ ასეთი ღირსება, ბუნებრივია იმ დანაშაულებსაც არ ჩაიდენდნენ. ამიტომ პრაქტიკულ გამოსავალზე თუ ვისაუბრებთ, ეს დამნაშავე ძალა უნდა დასუსტდეს. ჩვენ შემდეგი 3 წლის განმავლობაში ყველაფერი უნდა გავაკეთოთ ამ ძალის დასასუსტებლად – ეს არის ერთადერთი გზა პოლარიზაციის დასასრულებლად“, – განაცხადა კობახიძემ.

banner
წინა სტატიაშილონდა თოლორაიამ სახელმწიფო ინსპექტორის სამსახურის გაუქმების შესახებ დაინიცირებულ კანონპროექტზე მედიისგან შეიტყო
შემდეგი სტატიაკობახიძე ინსპექტორის სამსახურის გაუქმებაზე: ერთი სამსახური ჩანაცვლდება ორით