ბათუმის საქალაქო სასამართლოს მოსამართლე ეკატერინე კულულაშვილმა მეტეოროლოგისა და ტელეწამყვანის, კობა ფარტენაძის მიმართ განხორციელებული ძალადობისა და მუქარის საქმეზე ბრალდებულ ორ პირს გირაო შეუფარდა. გირაოს გადახდის შემთხვევაში ზურაბ კონცელიძე და გიორგი აფციაური პატიმრობიდან გათავისუფლდებიან.
გამოძიება სისხლის სამართლის კოდექსის 126-ე (ძალადობა) და 151-ე (მუქარა) მუხლებით მიმდინარეობს. პროკურატურამ ბრალდება „სექსუალური ორიენტაციის შეუწყნარებლობის“ მოტივით წარადგინა, რაც დანაშაულის სავარაუდო მოტივზე მიუთითებს.
