აშშ-ს პრეზიდენტობის კანდიდატმა დემოკრატიული პარტიიდან, ჰილარი კლინტონმა განაცხადა, რომ მისი აზრით, ტრამპის წინააღმდეგ აუცილებელია თავის თანაპარტიელთან, ბერნი სანდერსთან გაერთიანდეს – ამის შესახებ მან CNN-თან ინტერვიუში თქვა.
კლინტონის განცხადებით, მისი კამპანიის და სანდერსის შტაბი უკვე აწარმოებენ აღნიშნულ საკითხთან დაკავშირებით მოლაპარაკებებს.
“მე ყველაფერს გავაკეთებ, რაც შემიძლია, რომ დემოკრატიული პარტია გაერთიანდეს. ჩვენი კამპანიები უკვე დაუკავშირდნენ ერთმანეთს და ჩვენ გავაგრძელებთ ამის გაკეთებას” – განაცხადა კლინტონმა.
ყოფილმა სახელმწიფო მდივანმა ხაზი გაუსვა იმას, რომ ის და სანდერსი ყველაფერს გააკეთებენ იმისათვის, რომ დონალდ ტრამპი თეთრ სახლში არ მოხვდეს.