აშშ-ს ყოფილმა პირველმა ლედიმ, ჰილარი კლინტონმა, ლიბიაში შექმნილ ქაოსთან დაკავშირებით პასუხისმგებლობა მოიხსნა და განაცხადა: „ჩვენ ძალიან რთულ მდგომარეობაში აღმოვჩნდით“. მისი თქმით, ლიბიას არ უნდოდა რომ აშშ-ს მოეწესრიგებინა ქვეყნის შიდა მდგომარეობა, რისი უზრუნველყოფა, ცხადია, არც თვითონ შეეძლო.
გუშინ გამართულ დებატებში, კლინტონის ოპონენტმა საპრეზიდენტო არჩევნებში, ბერნი სანდერსმა მან ბრალი დასდო „ლიბიაში რეჟიმის შეცვლის მხარდაჭერაში“ მაშინ, როცა აშშ-ს მთავრობას არც კი ჰქონდა გეგმა შემუშავებული, რა უნდა მომხდარიყო რეჟიმის შეცვლის შემდეგ.
ყოფილმა სახელმწიფო მდივანმა სანდერსის რეპლიკაზე უპასუხა, რომ აშშ-ს პრეზიდენტი ბარაკ ობამა, გაეროს რეკომენდაციით მოქმედებდა, „გადაწყვეტილება პრეზიდენტს უნდა მიეღო, მე მხოლოდ დაზვერვის მონაცემებზე ვაგებდი პასუხს“ – განაცხადა კლინტონმა.
10 აპრილს აშშ-ს პრეზიდენტმა, ბარაკ ობამამ თავის ყველაზე დიდ შეცდომად ლიბიაში მომხდარი გადატრიალება დაასახელა, რომლისთვისაც აშშ მზად არ აღმოჩნდა.