კლინიკა „თბილისის მედიცინის ინსტიტუტი” (TIM) დროებით დაიხურება, – ამის შესახებ კლინიკის დირექტორმა, გიორგი კაჭახიძემ განაცხადა.
„დღეს უკვე 5 პაციენტი გვყავდა დარჩენილი. ზოგი პაციენტი სხვადასხვა კლინიკაში გადავა, ზოგი – კარანტინში. თანამშრომლების დიდი ნაწილი კარანტინშია ახლა. როგორც კი გამოვალთ ყველა კარანტინიდან, მოხდება კლინიკის დეზინფექცია და გავაგრძელებთ მუშაობას”, – განაცხადა კაჭახიძემ.
მისი ინფორმაციით, კლინიკაში ჯამში 9 ადამიანია დაინფიცირებული – 2 ექიმი, 5 ექთანი და 2 პაციენტი.
