კითხვის ნიშნის ქვეშ დგას სახელმწიფო აუდიტის სამსახურის დამოუკიდებლობის შენარჩუნება

თაიმერი timer.ge
ავტ.: თაიმერი timer.ge მაისი 20, 2017 23:03

კითხვის ნიშნის ქვეშ დგას სახელმწიფო აუდიტის სამსახურის დამოუკიდებლობის შენარჩუნება

„კითხვის ნიშნის ქვეშ დგას სახელმწიფო აუდიტის სამსახურის დამოუკიდებლობის შენარჩუნება. კითხვას ვუსვამ ირაკლი შოთაძეს, გიორგი მღებრიშვილს, ეს ფაქტი რომ მოსვლოდა გამომძიებელს ან პროკურორს, რომელიც კონკრეტულ საქმეს იძიებს, მასზე მომხდარიყო თავდასხმა, მათი რეაქცია როგორი იქნებოდა,“ – ამის შესახებ შაბათის კურიერის პირდაპირ ეთერში გენერალურმა აუდიტორმა, ლაშა თორდიამ, განაცხადა.

სახელმწიფო აუდიტის სამსახურის უფროსმა ყოფილი მთავარი პროკურორისთვის, ოთარ ფარცხალაძისთვის, გადაცემული მიწის თაობაზე აუდიტის მიერ მომზადებულ დასკვნაზე ისაუბრა და აღნიშნა, რომ დასკვნას ორშაბათს აუდიტორები პრეზენტაციის სახით წარადგენენ.

გენერალური აუდიტორის თქმით, დასკვნაში საუბარია მერიის გადაწყვეტილებებზე. მისი განცხადებით, საქმის მასალები პროკურატურაში გადაიგზავნება.

„ერთ-ერთი ეპიზოდი ვრცელ დასკვნაში ეხება მერიის მხრიდან აუქციონის მოწყობას, სადაც პირობად წერია, რომ მიწა, რომელიც აუქციონზე გამოდის, უნდა გაერთიანდეს მომიჯნავე მიწის ნაკვეთთან. მომიჯნავე მიწის მფლობელის არის იურიდიული პირი, რომლის 100% წილის მფლობელი ოთარ ფარცხალაძეა. მე მაინტერესებს, აუდიტის სამსახურმა უნდა დაინახოს თუ არა ასეთ საკითხებში რისკები, უნდა მოიკვლიოს თუ არა დამატებითი მასალები,“ – განაცხადა ლაშა თორდიამ.

ლაშა თორდიას აზრით, მის თავდასხმის საქმეზე ძალადობის მუხლით გამოძიების დაწყება არასაკმარისია.

თაიმერი timer.ge
ავტ.: თაიმერი timer.ge მაისი 20, 2017 23:03

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


18,065
ვიზიტორი
დღეში
Powered By Google Analytics