დონალდ ტრამპი მიიყვანს დასასრულამდე ამ ომს, რომელიც სამ წელზე მეტი ხნის განმავლობაში გრძელდება, – ამის შესახებ უკრაინის საკითხში აშშ-ის პრეზიდენტის, დონალდ ტრამპის სპეციალური წარმომადგენელი კიტ კელოგი სოციალურ ქსელში წერს.
კეგოლი ეხმაურება აშშ-ის პრეზიდენტ დონალდ ტრამპსა და რუსეთის პრეზიდენტ ვლადიმერ პუტინს შორის გამართულ სატელეფონო საუბარს.
„პრეზიდენტი ტრამპი ამტკიცებს, რომ ის არის პრეზიდენტი, რომელიც ამბობს იმას, რასაც გულისხმობს და გულისხმობს იმას, რასაც ამბობს. ის მიიყვანს დასასრულამდე ამ ომს, რომელიც სამ წელზე მეტი ხნის განმავლობაში გრძელდება“, – წერს კელოგი.
