კირკიტაძის სასამართლო – გურჯაანში დიდი რაოდენობით პოლიციაა მობილიზებული

თაიმერი timer.ge
: თაიმერი timer.ge მარტი 12, 2019 11:32

კირკიტაძის სასამართლო – გურჯაანში დიდი რაოდენობით პოლიციაა მობილიზებული

გურჯაანის რაიონულ სასამართლოში დღეს “ერთიანი ნაციონალური მოძრაობის” დაკავებული ლიდერის, დავით კირკიტაძისა და ვალერი მუსაევის სასამართლო პროცესი უნდა გაიმართოს.

ამ დროისათვის სასამართლოს ეზოსა და მიმდებარე ტერიტორიაზე, დაახლოებით, 200-მდე საპატრულო პოლიციის თანამშრომელია.

გასულ სასამართლო პროცესზე დავით კირკიტაძის ადვოკატმა, გიორგი კონდახიშვილმა შუამდგომლობა დააყენა, რომლის მიხედვითაც ის 15 000 მოქალაქე და პარლამენტის 27 წევრი კირკიტაძეს თავდებში უდგებოდა, თუმცა მოსამართლემ შუამდგომლობა არ დააკმაყოფილა და კირკიტაძე პატიმრობაში დატოვა.

ამის შემდეგ ადვოკატმა განაცხადა, რომ მომდევნო პროცესზე გურჯაანის რაიონულ სასამართლოში გამოცხადდებოდა იმ პარლამენტარებისა და ადამიანების უმრავლესობა, ვინც ვინც კირკიტაძეს პირადად უდგებოდა თავდებში.

შეგახსენებთ, რომ დავით კირკიტაძეს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც სამსახურეობრივი მოვალეობის დროს პოლიციელზე თავდასხმას გულისხმობს. დანაშაული 4-დან 7 წლამდე თავისუფლების აღკვეთას ითვალისწინებს.

რაც შეეხება მეორე პირს, ვალერი მუსაევს, მას აღკვეთის ღონისძიების სახით 5 000-ლარიანი გირაო აქვს შეფარდებული.

საქმე ეხება პრეზიდენტის ინაუგურაციის დღეს, სოფელ ველისციხესთან მომხდარ დაპირისპირებას.

თაიმერი timer.ge
: თაიმერი timer.ge მარტი 12, 2019 11:32

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


14,387
ვიზიტორი
დღეში
Powered By Google Analytics