მიხეილ თუმანიშვილის სახელობის კინომსახიობთა თეატრის ახალ სამხატვრო ხელმძღვანელს, რეჟისორ გიორგი სიხარულიძეს თეატრის დასს სავარაუდოდ კულტურისა და ძეგლთა დაცვის მინისტრი მიხეილ გიორგაძე 10 სექტემბერს წარუდგენს. ინფორმაცია პირველ არხს კინომსახიობთა თეატრში დაუდასტურეს.
თეატრის სამხატვრო ხელმძღვანელის პოსტზე კონკურსი სამინისტრომ 11 ივლისს გამოაცხადა. ამ პოზიციაზე ორი კანდიდატის განაცხადი შევიდა – მოქმედი სამხატვრო ხელმძღვანელის, ქეთი დოლიძის და რეჟისორ გიორგი სიხარულიძის, რომელიც მანამდე ქუთაისის ლადო მესხიშვილის სახელობის თეატრს ხელმძღვანელობდა.
კულტურის მინისტრმა სამხატვრო ხელმძღვანელად გიორგი სიხარულიძე 31 აგვისტოს დანიშნა.