კინოდოკუმენტალისტი ზურაბ ინაშვილი 72 წლის ასაკში გარდაიცვალა.
1971 წელს ზურაბ ინაშვილმა დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი, შემდეგ თეატრალური ინსტიტუტის კინოსარეჟისორო ფაკულტეტი.
1977-2004 წლებში იყო საქართველოს ტელეფილმების სტუდიის კინორეჟისორი, 1993-1994 წლებში კი სტუდია “ქართული ტელეფილმის“ გენერალური დირექტორი.
ზურაბ ინაშვილი არის დამდგმელი რეჟისორი ფილმების: „ნუ მოიწყენთ შემოდგომისას“, „გამოთხოვება დონ-კიხოტთან“, „გემღერებოდეს, დედაო!“, „გურჯი ვარ საქართველოდან“, „ნოდარ დუმბაძე“, „ქართველები მარიას თეატრში“, „გვიამბეთ თქვენზე მაესტრო – ანდრია ბალანჩივაძე“ და სხვ.
ზურაბ ინაშვილი საქართველოს პირველ არხზე არა ერთი პროექტის ავტორი იყო. განსაკუთრებული პოპულარობით სარგებლობდა გადაცემა „შოკოლადის მიკროფონი“, რომლის რეჟისორი თვად გახლდათ.
