ჩრდილოეთკორეელმა ლიდერმა კიმ ჩენ ინმა განაცხადა, რომ შეერთებულ შტატებთან მიმდინარე მოლაპარაკებების წარუმატებლობამ წინა საქმიანობის გაგრძელების რისკი გაზარდა, თუმცა, დაინტერესებულია დონალდ ტრამპთან ხელახალი შეხვედრით იმ შემთხვევაში, თუკი აშშ-ს სწორი განწყობები ექნება.
ჩრდილოეთ კორეის პარლამენტში სიტყვით გამოსვლისას კიმ ჩენ ინმა თქვა, რომ “წლის ბოლომდე დაიცდის”, და დაელოდება “აშშ-ს მამაცურ გადაწყვეტილებას”, წინააღმდეგ შემთხვევაში, “შედეგები ძალიან სამწუხარო და საშიში იქნება” – ჩრდილოეთ კორეის სახელმწიფო საინფორმაციო სამსახურმა KCNA გაავრცელა – “ამერიკის ხმა” წერს.