კიევთან ახლოს, სარდაფში რუსი ოკუპანტების მიერ ცეცხლსასროლი იარაღით მოკლული ექვსი ადამიანი იპოვეს – უკრაინის პროკურატურა

კიევის მახლობლად, სარდაფში ცეცხლსასროლი იარაღით მოკლული ექვსი ადამიანი იპოვეს. ამის შესახებ ინფორმაციას უკრაინის პროკურატურა ავრცელებს. ამბავს The Guardian იუწყება.

უკრაინის პროკურატურის განცხადებით, დაღუპულები ბროვარიში, უკრაინის დედაქალაქთან, კიევთან ახლოს იპოვეს.

„კერძო საცხოვრებლის შემოწმების დროს, სარდაფში ცეცხლსასროლი იარაღით მიყენებული ექვსი მშვიდობიანი მოქალაქის ცხედარი იპოვეს“, – აღნიშნულია უკრაინის გენერალურმა პროკურორის განცხადებაში.

მისი თქმით, მკვლელობებზე პასუხისმგებელნი რუსული საოკუპაციო ძალები არიან, რომლებმაც აღნიშნული ტერიტორია უკრაინაში შეჭრის პირველ დღეებში დაიკავეს.

გამოცემის ცნობით, The Guardian-მა ინფორმაციის გადამოწმება, ამ დროისთვის ვერ მოახერხა.

წინა სტატიაშიდედაქალაქის კორუმპირებული მერი, კახი კალაძე აფორმებს ხელშეკრულებას, და 1 ნაგვის ურნაში იხდის, 42 960 ლარს – ხაბეიშვილი
შემდეგი სტატიაეს სამხედრო დანაშაულს ჰგავს, რაც აქ ხდება საშინელი განაჩენია ჩვენი სამყაროსთვის – გაეროს გენერალური მდივნის მოადგილე ბუჩაზე