უკრაინის შს მინისტრი არსენ ავაკოვი, რომელიც ეთნიკური სომეხია, სომხურ-ქართული რესტორანის გახსნის იდეით გამოდის, რომელსაც „ბე-ბე-ბე“უნდა დაერქვას, – ამის შესახებ მან იუმორისტულ გადაცემა «Чисто News»-ში განაცხადა, რომელსაც უკრაინელი კომიკოსი ვლადიმირ ზელენსკი უძღვება.
როცა საუბარი ავაკოვ-სააკაშვილის ცნობილ კამათს შეეხო, უკრაინის პირველმა პოლიციელმა განაცხადა: „სომხური და ქართული სამზარეულოს გახსნა კარგი იქნება. რესტორნის შესასვლელში ჭიქა წყალს მიართმევენ და ხალხი დაიშოკება!”
შეგახსენებთ: არსენ ავაკოვსა და ოდესის გუბერნატორ მიხეილ საკაშვილს შორის ინციდენტი 2015 წლის დეკემბერში, რეფორმების ეროვნული საბჭოს სხდომაზე მოხდა, როცა ავაკოვი სააკაშვილს ჯერ შეეკამათა, შემდეგ კი, წყლით სავსე ჭიქა ესროლა.
