კიევში, რუსული ძალების მიერ გუშინ განხორციელებული სარაკეტო თავდასხმის შედეგად ჩამოშლილი მრავალსართულიანი შენობის ნანგრევებში ცხედარი აღმოაჩინეს, – ამის შესახებ ინფორმაციას კიევის მერი, ვიტალი კლიჩკო Telegram-ში ავრცელებს.
„მეგობრებო, მაშველებმა, რომლებიც შევჩენკივსკის რაიონში ჩამოშლილი შენობის ნანგრევებში მუშაობას განაგრძობენ, გარდაცვლილი აღმოაჩინეს,“ – აცხადებს დედაქალაქის მერი.
შეგახსენებთ, რუსულმა ძალებმა კიევზე სარაკეტო თავდასხმა გუშინ განახორციელეს, რის შედეგადაც მრავალსართულიანი საცხოვრებელი კორპუსის ნაწილი ჩამოიშალა, დაშავებულია რამდენიმე ადამიანი.