სირიაში კიდევ 2 პანკისელი ახალგაზრდა დაიღუპა. დადასტურებული ინფორმაციით გარდაცვლილები არიან 24 წლის რამზან ფარეულიძე, სოფელ ბირკიანიდან და 22 წლის მუხმად თურქოშვილი სოფელ ომალოდან.
ორივე მათგანი ტერორისტული ორგანიზაცია ისლამური სახელმწიფოს რიგებში იბრძოდა. ინფორმაცია მათი გარდაცვალების შესახებ გუშინ გავრცელდა.
ორივე ახალგაზრდა სირიაში დაახლოებით ერთი წლის წინ წავიდა. სირიაში საბრძოლო მოქმედებებში უკვე 14 პანკისელი დაიღუპა.
