ცნობილმა ჰაკერულმა დაჯგუფებამ Rhysida-მ ბერლინის მუნიციპალიტეტისა და მთავრობის ქსელებზე განხორციელებული კიბერშეტევის შედეგად მოპარული 5 ტერაბაიტზე მეტი მოცულობის მონაცემები ინტერნეტში გამოაქვეყნა. საერთო ჯამში, ღია წვდომაში დაახლოებით 1.44 მილიონი ფაილი აღმოჩნდა.
გაჟონილ დოკუმენტაციას შორის არის კრიტიკული ინფრასტრუქტურის, სამოქალაქო თავდაცვისა და შინაგან საქმეთა სამინისტროსთან კოორდინაციის სტრატეგიული ფაილები. გარდა ამისა, საჯარო გახდა ბერლინის სენატის თანამშრომელთა პირადი საქმეები და სახელფასო უწყისები.
