ჩემპიონთა ლიგაზე ზედიზედ მეორე ტრიუმფისა და სეზონის საუკეთესო მოთამაშედ აღიარების შემდეგ, „პარი სენ-ჟერმენის“ ქართველი ვარსკვლავის, ხვიჩა კვარაცხელიას სატრანსფერო ფასი რეკორდულად გაიზარდა. ქართველი შემტევის ღირებულება ერთბაშად 50 მილიონი ევროთი მოიმატა და 140 მილიონ ევროს მიაღწია (მანამდე მისი ფასი 90 მილიონი იყო).
შეგახსენებთ, რომ 30 მაისს, ბუდაპეშტში გამართულ ჩემპიონთა ლიგის დრამატულ ფინალში, ხვიჩა კვარაცხელიას პსჟ-მ ლონდონის „არსენალი“ პენალტების სერიაში დაამარცხა და ზედიზედ მეორედ დაეუფლა ევროპის უმთავრეს საკლუბო ტიტულს.
ამ ისტორიული გამარჯვებიდან მეორე დღესვე, 31 მაისს, უეფამ ($UEFA$) ქართველი ფეხბურთელი ოფიციალურად დაასახელა ჩემპიონთა ლიგის სეზონის საუკეთესო მოთამაშედ.
ხვიჩა კვარაცხელიამ მიმდინარე ევროთასებზე უბრალოდ ფენომენალური სეზონი ჩაატარა, რაც ციფრებშიც აისახა: 16 მატჩი, 10 გოლი, 6 საგოლე გადაცემა.
უცხოური სპორტული გამოცემების დათვლებით, ჩემპიონი პსჟ-ს ჯამურმა შემოსავალმა ამ ტრიუმფალურ სეზონში საშუალოდ 146 მილიონ ევროს მიაღწია, რაშიც ლომის წილი სწორედ ქართველი ვარსკვლავის ბრწყინვალე თამაშმა შეიტანა.
