“ყველაზე უარესი ვითარება მივიღეთ” – უსუფაშვილი საარჩევნო კოდექსზე

დავით უსუფაშვილმა დღეს საარჩევნო კოდექსზე გააკეთა კომენტარი და განაცხადა, რომ საარჩევნო და წინასაარჩევნო თამაშების წესებზე შეთანხმება ნაჩქარევად მოხდა.

მისივე თქმით, მოგვიანებთ აუცილებლად უნდა გაგრძელდეს საარჩევნო კოდექსის რეფორმირება, ისე რომ, ყველა შენიშვნა, რომელიც პოლიტიკურ პარტიებს აქვთ, გათვალისწინებული იყოს 2020 წლისთვის

„ვწუხვარ, რომ თითქმის წელიწადზე მეტია ვერ მოხერხდა ამ საკითხში პოლიტიკური ძალების დაინტერესებული პირების ფოკუსირება შედეგზე. ვინაიდან, ჩათვალა ზოგიერთმა პოლიტიკურმა ლიდერმა თუ ძალამ, რომ ალტერნატიული საკონსტიტუციო ცვლილებები უნდა ყოფილიყო ინიცირებული პარლამენტში, ამის გამო იმ ცვლილებებზე კენჭისყრა აქამდე გაჭიანურდა. მივიღეთ ის, რომ ჩვენ 2016 წლის შემდგომი პერიოდიც გვაქვს აბსოლუტურად ბუნდოვანი, 2016 წლის არჩევნებისთვის შექმნილი გვაქვს სისტემა, რომელზეც თავიდანვე ითქვა, რომ ეს არის ერთჯერადი გამოყენების, ჩვენ საბოლოო ჯამში ყველაზე უარესი ვითარება მივიღეთ,“ – აღნიშნა დავით უსუფაშვილმა.

banner
წინა სტატიაში“კითხვები მეტი დარჩა ამ წუთისთვის”- უსუფაშვილს ე.წ. კაბელების საქმესთან დაკავშირებით კითხვები აქვს
შემდეგი სტატია“თუ პრეზიდენტს კანონპროექტი დადგენილ ვადაზე ადრე სჭირდება, შეუძლია, თბილისში მობრძანდეს”