,,ყველაფერი უნდა გავაკეთოთ, რათა შესრულდეს ის, რისთვისაც იბრძოდნენ ჩვენი გმირები, ეს არის სამშობლოს ერთიანობა” – ეს განცხადება საქართველოს პარლამენტის თავმჯდომარემ, ირაკლი კობახიძემ მუხათგვერდის ძმათა სასაფლაოზე გააკეთა.
პარლამენტის თავმჯდომარემ, დეპუტატებთან ერთად, 2008 წლის აგვისტოს ომში დაღუპულთა ხსოვნას პატივი მიაგო და ძმათა სასაფლაო გვირგვინით შეამკო.
“აგვისტოს ომის დაწყებიდან 9 წელი გავიდა. ჩვენი ვალია, პირველ რიგში პატივი მივაგოთ დაღუპულ გმირებს, გავიხსენოთ ისინი. ჩვენი ვალია, ყველაფერი გავაკეთოთ იმისთვის, რომ შესრულდეს ის, რისთვისაც იბრძოდნენ ჩვენი გმირები – ეს არის სამშობლოს, საქართველოს გაერთიანება”, – განაცხადა კობახიძემ.