“ყველაფერი პოლიციის შესახებ“: შინაგან საქმეთა სამინისტროს განსაკუთრებულ დავალებათა დეპარტამენტის დირექტორად ბაადურ შენგელია დაინიშნა

გვერდი “ყველაფერი პოლიციის შესახებ“ ავრცელებს ინფორმაციას, რომ გდდ-ის უფროსად ბაადურ შენგელია დაინიშნა.

“შინაგან საქმეთა სამინისტროს განსაკუთრებულ დავალებათა დეპარტამენტის დირექტორად ბაადური შენგელია დაინიშნა. მას შინაგან საქმეთა სამინისტროს რიგებში მუშაობის მრავალწლიანი გამოცდილება აქვს, – წერია გავრცელებულ ინფორმაციაში.

ინფორმაციისთვის, 29 აპრილს გავრცელდა ინფორმაცია, რომ “ხარებას“ შემცვლელმა რომან ქარცივაძემ გდდ-ის უფროსის თანამდებობა დატოვა. მოგვიანებით კი ცნობილი გახდა, რომ რომან ქარცივაძე, სუს-ში სპეციალური ოპერაციების დეპარტამენტის დირექტორად გადაიყვანეს.