ყველა პოლიტიკურ დევნილს, სააკაშვილით დაწყებული, შემოვუშვებდი,- ამის შესახებ „ევროპული საქართველოს“ წევრმა გიგა ბოკერიამ გადაცემა „მთავარ აქცენტებში“ მიხეილ სააკაშვილზე საუბრისას განაცხადა.
გადაცემის ერთ-ერთი წამყვანის, ნიკა გვარამიას კითხვაზე „ყველა პოლიტიკური დევნილის კონტექსტში იქნებოდა ეგ ამბავი?“,- ბოკერია პასუხისგან თავს იკავებს.
„ევროპულ საქართველოსა“ და „ნაციონალურ მოძრაობას“ შორის დაპირისპირებამ უკვე რამდენჯერმე იჩინა თავი.
დაპირისპირების ახალი ტალღა ყოფილმა პრეზიდენტმა მიხელ სააკაშვილმა დაიწყო, როდესაც „მთავარი არხის“ ეთერში განაცხადა, რომ ბოკერიამ და სხვებმა ყველაფერი გააკეთეს, რათა დისტანცირება მომხდარიყო ქართული, ქრისტიანული ფასეულობებისგან:
„რაც შეეხება ბატონ ბოკერიას, აქ არ არის პიროვნული განსხვავებები, აქ არის ფუნდამენტური განსხვავებები. მე ჩემი შეხედულებებით და მრწამსით ვარ მართლმადიდებელი ქრისტიანი, მიუხედავად იმისა, ვინც რა უნდა თქვას. ვატარებ ჯვარს. ბოკერია არის ყველაფერი, რაც არის ქართული ტრადიციების წინააღმდეგ და ანტიქრისტიანული“,- განაცხადა სააკაშვილმა
