,,ყველა პოლიტიკურ პარტიას და კანდიდატს აქვს შესაძლებლობა, აბსოლუტურად თავისუფალ გარემოში ჩაატაროს საარჩევნო კამპანია”

თაიმერი timer.ge
ავტ.: თაიმერი timer.ge სექტემბერი 17, 2017 17:27

,,ყველა პოლიტიკურ პარტიას და კანდიდატს აქვს შესაძლებლობა, აბსოლუტურად თავისუფალ გარემოში ჩაატაროს საარჩევნო კამპანია”

მნიშვნელოვანი

  • მოსახლეობასთან შეხვედრები ამ წუთებშიც გრძელდება. დღესვე კახა კალაძე შინდისის, წავკისისა და ოქროყანის მოსახლეობას შეხვდება.

სხვა სტატიები

საქართველოში საარჩევნო კამპანია მშვიდ გარემოში ტარდება. ყველა პოლიტიკურ პარტიას და კანდიდატს აქვს შესაძლებლობა აბსოლუტურად თავისუფალ გარემოში ჩაატაროს საარჩევნო კამპანია და მოსახლეობას გააცნოს თავისი ხედვა, გეგმები და პროექტები, თუ რის განხორციელებას აპირებს, – ამის შესახებ „ქართული ოცნება – დემოკრატიული საქართველოს“ თბილისის მერობის კანდიდატმა კახა კალაძემ კიკეთისა და კოჯრის მოსახლეობასთან შეხვედრისას განაცხადა. მისივე თქმით, ამომრჩეველი ამ პირობებში თავად გადაწყვეტს, ვის ანდოს ქალაქის ბედი.

როგორც ”ინტერპრესნიუსს” ”ქართული ოცნება-დემოკრატიულ ისაქართველოდან” აცნობეს, კახა კალაძემ გასული წლების, კერძოდ, 2012 წლის საარჩევნო გარემო გაიხსენა და აღნიშნა, რომ საქართველოში აღარასოდეს დაბრუნება ხელისუფლება, რომელიც საკუთარ მოქალაქეებზე იძალადებს.

პარტიის ინფორმაციით, თბილისის მერობის კანდიდატმა კიკეთის, კოჯრისა და ტაბახმელას მოსახლეობას თავისი ხედვა გააცნო და ყურადღება რამდენიმე პრიორიტეტულ საკითხზე, მათ შორის მუნიციპალური ტრანსპორტის ჩანაცვლებასა და განვითარებაზე, ქალაქის ურბანულ განვითარებასა და ძველი თბილისის რეაბილიტაციაზე, განათლებასა და სპორტზე გაამახვილა.

„2012 წლის შემდეგ უფასო გახდა სასკოლო სახელმძღვანელოები და საბავშვო ბაღები. ყოველწლიურად იზრდება ბაღში შემსვლელი ბავშვების რაოდენობა და საჭიროა ჩვენ ამ ზრდას მომზადებულები შევხვდეთ. მომავალი 4 წლის განმავლობაში თბილისში დამატებით 30-მდე ბაღი აშენდება“, – განაცხადა კახა კალაძემ.

თბილისის მერობის კანდიდატმა, ასევე, ხაზი გაუსვა ჯანსაღი ცხოვრების წესის მნიშვნელობას და აღნიშნა, რომ ქალაქის ყველა რაიონში აშენდება მუნიციპალური მულტიფუნქციური სპორტკომპლექსები, რომლებიც ყველასთვის ხელმისაწვდომი იქნება.
მოსახლეობასთან შეხვედრები ამ წუთებშიც გრძელდება. დღესვე კახა კალაძე შინდისის, წავკისისა და ოქროყანის მოსახლეობას შეხვდება.

თაიმერი timer.ge
ავტ.: თაიმერი timer.ge სექტემბერი 17, 2017 17:27