ხვალიდან გაზზე მომუშავე ავტომობილების ნაწილისთვის ტექნიკური ინსპექტირების ვადა იწურება. საუბარია 14-16 წლის ავტომობილებზე.
მსგავსი კატეგორიის ავტომობილის მძღოლები, რომლებსაც ხვალიდან ტექნიკური ინსპექტირების დამადასტურებელი დოკუმენტი არ ექნებათ, 100 ლარით დაჯარიმდებიან.
ავტომობილის ტექნიკური ინსპექტირების ღირებულება 90 ლარიდან 130 ლარამდეა.
გაზზე მომუშავე ავტომობილების ტექნიკური ინსპექტირება ეტაპობრივად ხდება და ვადები ავტომობილის ასაკის მიხედვით განისაზღვრა. გაზზე მომუშავე 17-19 წლის ავტომობილებისთვის ინსპექტირების გავლის ვალდებულება 2018 წლის 1-ლი იანვრიდან ამოქმედდა. შედარებით ახალი, 11-13 წლის ავტომობილებისთვის ინსპექტირებას ვადა 2019 წლის 1 იანვარს, 1-10 წლის სატრანსპორტო საშუალებების კი – 2019 წლის 1 ივლისს იწურება.
