ხვალ პუშკინის ქუჩის მიმდებარე ტერიტორია გადაიკეტება

პუშკინის ქუჩაზე მიმდინარე სარეაბილიტაციო სამუშაოების დროულად დასრულების მიზნით 20-21 აპრილს 00:00 საათიდან დილის 08:00 საათამდე საავტომობილო მოძრაობა გადაიკეტება. ამ დროისათვის მიმდინარეობს გზის გაფართოების სამუშაოები.

პროექტი ითვალისწინებს პუშკინის ქუჩაზე ესტაკადის მშენებლობას, საავტომობილო და საფეხმავლო გზის გაფართოებას და ქუჩაზე ორმხრივი მოძრაობის აღდგენას. აღსანიშნავია, რომ ესტაკადა, კონცეფციის თანახმად, ძველი ქალაქის სტილში ჩაჯდება, გამომდინარე აქედან, ხიდის მშენებლობით ძველი თბილისის იერსახე არ დაიკარგება.

სარეაბილიტაციო სამუშაოებს პუშკინის ქუჩაზე, თბილისის მერიის კეთილმოწყობის საქალაქო სამსახურის დაკვეთით, კომპანია “CRP” აწარმოებს და მიმდინარე წლის ივლისში დასრულდება. პროექტზე დედაქალაქის ბიუჯეტიდან 3,950,000 ლარი დაიხარჯება.

ვირუსის ბლოკატორები
წინა სტატიაში“დიდი იმედი გვაქვს საფრანგეთის მხარდაჭერის”- ეკა სირაძე-დელონე პრეზიდენტის საფრანგეთში ვიზიტს გამოეხმაურა
შემდეგი სტატიაგიორგი კვირიკაშვილი: საქართველო დაინტერესებულია მშვიდობით სამხრეთ კავკასიის რეგიონში