ყრილობაზე პარტიის თავმჯდომარედ გიორგი კვირკაშვილს ავირჩევთ

თაიმერი timer.ge
ავტ.: თაიმერი timer.ge მაისი 14, 2016 00:17

ყრილობაზე პარტიის თავმჯდომარედ გიორგი კვირკაშვილს ავირჩევთ

ყრილობაზე პარტიის თავმჯდომარედ გიორგი კვირკაშვილს ავირჩევთ, რომლის ლიდერობით ჩვენი პარტია კიდევ უფრო დიდ შედეგებს და პროგრესს მიაღწევს, – ამის შესახებ ირაკლი კობახიძემ გადაცემა 2030-ში სტუმრობისას განაცხადა.

“პოლიტსაბჭო განახლებული შემადგენლობით აირჩევა; იქნებიან როგორც ძველი წევრები, ასევე ახალი სახეები, რომლებიც პოლიტიკურ პროცესებში აქამდე აქტიურად ჩართული არ იყვნენ. ახალ სახეებს ეტაპობრივად წარვადგენთ და საბოლოო სახით, სია არჩევნების წინ ჩამოყალიბდება. ახალი სახეების წარდგენა ყრილობის ერთ-ერთი უმნიშვნელოვანესი გზავნილი იქნება”, – განაცხადა ირაკლი კობახიძემ.

მისი თქმით, “ქართული ოცნების” ყრილობას სპორტის სასახლეში 9 ათასი ადამიანი დაესწრება.

“ ყრილობაზე იქნებიან ჩვენი პარტიის წევრები, პარტიული სტრუქტურებისა და ხელისუფლების წარმომადგენლები, ჩვენი დეპუტაცია, სხვადასხვა სფეროში წარმატებული ადამიანები; მოწვეულნი არიან ჩვენი სტრატეგიული პარტნიორები – “კონსერვატორები”, მრეწველები და “რესპუბლიკური პარტია”; საპატიო სტუმარი იქნება ბიძინა ივანიშვილი; მოსაწვევი მიიღო ჩვენმა ყოფილმა თავმჯდომარემ, ირაკლი ღარიბაშვილმა”, – განაცხადა კობახიძემ.

მან ასევე აღნიშნა, რომ პრეზიდენტის თანამდებობა ზეპარტიულია და პარტიულ ღონისძიებაზე პრეზიდენტის მოწვევა მიზანშეწონილად არ ჩაითვალა.

თაიმერი timer.ge
ავტ.: თაიმერი timer.ge მაისი 14, 2016 00:17

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


18,065
ვიზიტორი
დღეში
Powered By Google Analytics